DEG DEG: GUDDOOMIYAHA BAARLAMAANKA HIRSHABEELLE OO AYIDAY XIL KA QAADISTII CALI COSOBLE.

DEG DEG: GUDDOOMIYAHA BAARLAMAANKA HIRSHABEELLE OO AYIDAY XIL KA QAADISTII CALI COSOBLE.

70
0
SHARE

Guddoomiyaha Baarlamaanka Hirshabeelle Sheekh Cusmaan Barre ayaa goor dhow ayiday xil ka qaadistii Xildhibaanada Hirshabeelle shalay ku sameeyeen Madaxweynihii hore Cali C/llaahi Cosoble.

 

Sheekh Cusmaan oo saaka gaaray magaalada Jowhar ayaa shir haraa’id oo uu ku qabtay waxaa uu sheegay in go’aankii ay gaareen Xildhibaanada ay tahay mid sharci ah oo dastuuri ah sida uu yir.

 

Waxaa uu sheegay in xilka si KMG ah uu u heyn doono Madaxweyne kuxigeenka Cali Guudlaawe Xuseen, waxaa uu tilmaamay in dhowaan la soo magacaabi doono Guddi doorasho.

 

“Waxaa si sharci ah xilkiisa ku waayay, Madaxweynihii hore Cali C/llaahi Cosoble, aqlabiyada baarlamaanka looga qaaday, waxaa la farayaa Madaxweyne kuxigeenka in muddo 30 maalmood si KMG ah xilka u sii haayo”ayuu yiri Guddoomiyaha Baarlamaanka Hirshabeelle

 

Sidoo kale waxaa uu sheegay in Dastuurka Hirshabeelle uu farayo in muddo 30 cisho lagu soo doorto Madaxweyne.

 

Guddoomiyaha Baarlamaanka Hirshabeelle ayaa ugu baaqay beesha uu ka dhashay Madaxweynihii hore Cali C/llaahi Cosoble inay isku soo sharaxdo xilka laga qaaday

 

Waxaa uu ugu baaqay dowladda Dhexe, gaar ahaan Madaxweynaha iyo Ra’iisul Wasaaraha inay arrintan ku garab istaagaan, isla markaana aanay ku dhinac marin.

 

Madaxweyne kuxigeenka ahna Kusimaha Madaxweynaha Cali Guudlaawe Xuseen ayaa aqbalay xilka lagu wareejiyay ee KMG, isagoo soo dhoweeyay in beesha uu ka dhashay Madaxweynihii hore ay soo sharaxato qofkii bedeli lahaa.

 

Dhinaca kale Madaxweynaha xilka laga qaaday Cali C/llaahi Cosoble oo isna ku sugan magaalada Jowhar ayaa lagu wadaa inuu isna shir jaraa’id qabto oo uu qaadaco xil ka qaadistii shalay.

 

Wixii warar ee ku soo kordha kala soco wararkeena dambe

LEAVE A REPLY